Now Reading
सेवा सुधार गर्न २१० नयाँ टावर निर्माण गर्दै टेलिकम

सेवा सुधार गर्न २१० नयाँ टावर निर्माण गर्दै टेलिकम

कार्तिक २२, २०७६

सरकारी स्वामित्वमा रहेको नेपाल टेलिकमले सेवा विस्तारको कामलाई तीव्रता दिएको छ । सेवा टेलिकमले बिहीबार ७२ वटा ग्राउण्ड बेस सपोर्टिङ टावर निमार्णका लागि स्किपर प्याराडाइज जेभीसँग सम्झौता गरेको हो । यसका साथै कम्पनीले एक सय ३८ ग्राउन्ड बेस सपोर्टिङ टावर निर्माणका लागि समेत टेन्डर प्रक्रिया सुरु गरिसकेको छ । 

हाल भएको सम्झौताबाट टेलिकमले लुम्बिनीमा ५४, काठमाडौंमा ८, गोरखा र म्यादीमा १० ओटा टावर निमार्णका लागि स्किपर प्याराडाइजलाई जिम्मा दिएको छ । स्किपर प्याराडाइज भारतको स्किपर लिमिटेड र नेपालको प्याराडाइज बिल्डर्स प्रालीको संयुक्त उपक्रम कम्पनी-जेभी हो ।

सम्झौतापत्रमा टेलिकमका प्रबन्ध निर्देशक डिल्लिराम अधिकारी र प्याराडाइजका प्रबन्ध निर्देशक गोकुल पौडेले हस्ताक्षर गरेका छन् । टेलिकमले टावर निमार्णका लागि केही समय अघि बोलपत्र आह्वान गरेको थियो । उक्त बोलपत्रमार्फत छनौट भएको प्याराडाइजसँग बिहिबार सम्झौता भएको टेलिकमले जनाएको छ ।

टेलिकमका अनुसार टावर निर्माण कार्यले पूर्व–पश्चिम राजमार्ग अन्तर्गत नवलपरासीदेखि बुटवल क्षेत्रमा टेलिकमको नेटवर्क समस्या समाधान हुनेछ ।

See Also

प्याराडाइजका प्रबन्ध निर्देशक पौडेलले निर्धारित ६ महिनामा परियोजना सम्पन्न गरिने बताए । ग्राउण्ड बेसमा आधारित उक्त टावर २५ देखी ५० मिटर अग्ला हुनेछन् । तराई क्षेत्रमा अग्लो टावर निमार्ण गर्नुपर्ने ५० मिटरसम्म अग्ला हुने पौडेलको भनाई छ ।


Facebook Comments
Scroll To Top